Fylgjum tískunni

2003-03-07T22:26:00.000Z

Kveldið...

Sit hér, gersamlega uppgefinn eftir afleita en þó nokkuð magnaða knattspyrnu í Laugargötu. Björn Ívar, Vestmannaeyingurinn knái, var mættur til leiks og því um að gera að skipta í skákmenn gegn ekki skákmönnum. Eini gallinn var að ekki-skákmenn,Ásgeir, Finnur og Árni, áttu allir mjög góðan leik en við hörmulegan! Mér t.d. tóks að klúðra einum 38 skotum af 0,5-2 metra færi áður en ég skoraði 2 mörk í fótboltanum undir lokin! Ekki hafði karfan gengið mikið betur, en þar taldist mér til að ég hafði átt einar 11 sendingar á Árna eða Ásgeir, jafnvel Finn! Allt gott um það að segja svosem fyrir utan það að þeir mynduðu jú hitt liðið...
Annars allt að gerast í skólanum, kennarar senda mótmælabréf til ráðherra vegna herflugs yfir bænum, sumum finnst þetta óþarfa nöldur en ég gæti ekki verið meira sammála. Hvers vegna eigum við að þola truflun á kennslu vegna einhvers helv... hljóðmúrsrofs satanískra heimsvaldasinna hér í afskekktu byggðarlagi á hjara veraldar sem gerir út á friðsælt umhverfi?
Ja, mér er spurn.

Jæja, ætli þetta sé ekki orðið ágætt í kvöld, þarf víst að fara að lesa magnþrunginn lista um óskars-verðlauna myndir og leikstjóra þeirra, æfing 9-12 í fyrramálið og þá mun Einar sýna enga miskunn.

Lokaorð vikunnar:

MR, komið ef þið þorið....

Haddi B has ......

P.S.

Allir sem fylgdust með "drættinu" á rúv í undanúrslitin í Gettu Betur hafa væntanlega brosað í kampinn. Ég meina, kommon, allir vita svosem að þið eruð búnir að raða í næstu umferð eins og hentar ykkur best en ég meina, getið þið ekki allavega látið þetta líta raunverulega út????

2003-03-06T18:22:00.000Z

Kominn aftur, ég kem alltaf aftur!

Jæja, þá er maður sestur fyrir framan tölvuskjá á nýjan leik, með blogg í huga. Ástæða lítillar tjáningar undanfarinn tæpa mánuð er ekki síst títtnefnt anna, þ.e. ég þykist ekki geta bloggað vegna hennar. Önnur ástæða er ónýti ferðatölvu minnar, en hana hata ég, og stefni að því að henda henni út um gluggann við fyrsta tækifæri. Hún deyr yfirleitt við fyrsta tækifæri.
Annars er flest gott að fregna héðan úr hýbílum mínum, við komnir í undanúrslit í Gettu Betur og eini svarti punkturinn í lífi mínu þessa stundina að Spin City var ekki í sjónvarpinu áðan heldur einhver snargeðveik fjölskylda sem ég hata. Annar svartur punktur er reyndar Eurovision, en þar misstum við af tækifæri lífs okkar, að senda alvöru lag í keppnina, þegar Botnleðja lenti aðeins í 2.sæti keppninnar hér heima, skandall. Hitt er þó hið besta mál að farið verður til Rhodos næsta haust, á tímabili leit út fyrir að jafnvel yrði farið til Portúgal, en það gengi að sjálfsögðu ekki, enda ekki hægt að taka 40 mínútna spíttbát til Tyrklands og fá sér Kebab á heimavelli þess! Viva Rhodos!

Vér verðum í sambandi

Haddi

P.S.

Af hverju í ósköpunum á undirskriftabókin sem nú gengur um framhaldsskólana bara að mótmæla framkvæmd samræmdu framhaldsskólaprófanna en ekki þau sjálf, er kannski markmiðið: "að samræma nám í Framhaldsskólum landsins" svona göfugt eða hvað?????

2003-02-11T10:06:00.000Z

"Spurningar heimspekinnar eru mikilvægari en svörin"

Þar hafið þið það. Annars er maður farinn að vinna fyrir sér núna! Kominn í einhvurs lags hlutastarf í Bónus vídeo þarna hjá Dominos, hef farið á kostum fyrstu 3 kvöldin, sérstaklega þar sem ég veit eggert um kvikmyndir, alltaf gaman að fá spurningar eins og: Hvaða evrópska mynd var þetta fyrir 3 árum sem fékk öll verðlaunini? Eruð þið ekki með hana? Einmitt........

Jæja, njótið heimspekinnar, Stella kom með gullmola áðan: "Hver er lausnin?" Þegar SÓ var að tala um að það væti til lausn við öllum þessu heimspekilegu spurningum, jafnvel SÓ gat ekki svarað þessu!

Heill Stella!

2003-02-07T23:46:00.000Z

Úti er ævintýri.

Jæja, þá er Morfís liðið okkar úr leik, áfall fyrir suma, enda var þegar farið að skipuleggja næstu umferð, slík var bjartsýnin! Ástæðan er að sjálfsögðu einföld, á þeim tæpa hálftíma sem ræðumenn okkar höfðu samtals til að tjá sig tókst þeim ekki að skjóta að svo mikið sem einum íggli! Það verða að teljast mistök aldarinnar. Annars hef ég svosem fátt að segja að vanda, jújú, skólinn er svosem byrjaður, og áfallið dundi yfir strax í upphafi....

Johan Gunnlaugur Hannén Rolfsson er hættur, og þ.a.l. er bekkurinn minn ekki svipur hjá sjón, auk þess sem ég á í mestu erfiðleikum með að sníkja mér far eftir skóla, enda hljómaði setningin: "Johan, ert þú nokkuð á bíl?" oftar en ekki þegar líða tók á daginn á haustönn...
Síðan birtist einhvurs lags viðtal við mig í einhvurs lags fréttasnepli stjórnarinnar í dag, ég vil nota tækifærið og mótmæla hástöfum þessari útgáfu, þar var allt slitið úr samhengi og skáldað meira og minna. Að leggja mér setningu eins og: "Hef ekki tékkað" í munn er guðlast af versu sort. Auk þess er Hallsberg að sjálfsögðu skrifað með tveimur Ellum .

Jæja, svona er þetta víst. Annars er það síðasta að frétta að mér var að berast til eyrna að opna ætti www.gettubetur.is innan skamms. Það verður að teljast vafasamt verkefni...

Serekhan

2003-01-25T16:19:00.000Z

Til heiðurs Ígglinum!

Merk tíðindi urðu í gær, er orðið ígulhress hljómaði í fyrsta skipti á öldum ljósvakanna, og það á RÚV!
Þetta verður að teljast stórt skref fyrir alla áhugamenn og velunnara ígulsins mikla og er forskeytið skrefinu nær því nú að komast í næstu orðabók Marðar.
Annars er það að frétta af keppninni að við unnum víst, 32-29 þrátt fyrir að klikka á fjölda basic atriða, ekki gott mál það, en sigurinn kærkominn. Eftir keppnina bjallaði svo hinn ígglaði dómari keppninnar, Sveinn kall, á Bjarna og viðurkenndi mistök, hann viðurkenndi það semsagt að Wrightararnir flugu fyrst 1903, en ekki 1902, sko mig! Þannig að í raun lyktaði keppninni með öruggum sigri okkar, 33-28! Þess ber einnig að geta að ég lauk einhvurslags prófum í gær, en það varðar ykkur ekkert um.

HaDdI

er þetta flott?

P.S.

Andri er víst mjög stoltur af mér fyrir að hafa svarað Eminem rétt, einföld sál sá drengur....

Skák, nei!,ha? PASS

2003-01-24T11:02:00.000Z

Keppnin í kvöld.

Þá er komið að því, óralangur undirbúningur ræðst á einu augnabliki í kvöld þegar við mætum Wonna-be bóndunum í Hvanneyri í Gettu Betur.

"...Look, if you had one shot
One opportunity
To seize everythin’ you ever wanted
One moment
Would you capture it or just let it slip?"

HBH

P.S.

"Blogga blogga blogga, pósta pósta pósta, ég er hardkor á netinu en kann ekkert að bösta"
XXX

2003-01-15T17:38:00.000Z

Þörf ábending

Þess ber að geta að sökum skólahlés vegna prófa er ég mikið heimavið um þessar mundir, ekki í skólatímum. Sökum þeirrar staðreyndar að boðið er uppá mun fjölbreyttari afþreyingu á heimili mínu en í tímum innan veggja Menntaskólans hef ég séð mig knúinn til annarra framkvæmda en blogg-tengdra.

Með vegsemd og virðingu.

Amen

2003-01-10T11:32:00.000Z

Veit hver betur?

Í kvöld keppir hinn ágæti Menntaskóli hér á Akureyri gegn Kerlingaskóla sunnan heiða í keppni einni þar sem keppt er í því að giska sem best, Gettu Betur. Á einhvern ótrúlegan hátt er ég í þessu liði, þ.e. liði Menntaskólans. Þykist ég eiga að sjá um bókmenntir og íþróttir en samt sem áður veit ég ekkert, hvorki um Jóhannes úr Kötlum né Carlton Palmer, svo varla á ég heima í þessu liði.

Engu að síður, kerlingar úr borg dauðanns geta varla verið mikil fyrirstaða ungra myndardrengja úr Menntaskólanum á Akureyri, eða hvað?

Þetta blogg var tileinkað Johani Gunnlaugi Rolfssyni Hannén, en hann er álíka klikkaður og Andri Már.

Eins og sést á þessu bloggi þá nennti ég ekkert að blogga, en höndlaði ekki pressuna, vonandi verður næsta blogg líflegra og ígglaðra.

Keðja?

2003-01-07T14:27:00.000Z

Góðan dag og gleðilegt árið 2003!

Eitt það undarlegasta við þetta ártal er að nú renna hlutir út í ár sem stendur á: "expires in 2003" Mér finnst ekki langt síðan að 2003 hljómaði eins fjarlægt og 3003, en það er nú sennilega vegna þess að ég er snarklikkaður. Jæja, annars er mest lítið að frétta að venju, fór til Svíþjóðar um áramótin, það var ekki skarpur leikur þar sem kaldara var þar en í frystikistunni minni (og þá er ég ekki að grínast...) Ég gerði mér ´þó lítið fyrir og óð út í 20 stiga frostið á gamlárskvöld með kampavín í jakkafötum, vakti mikla lukku native Svía sem skilja ekki hvað flugeldar eru...

Annars verður dregið í Gettu Betur í Kastljósinu í kvöld, gaman að sjá hvort við fáum Framhaldsskólann í Vestmanneyjum eða Versló, allt opið í þessum málum.

Yfir og út.

HBH

P.S.

Þess má til gamans geta að skáldsöguna "Þetta eru asnar Guðjón" samdi Einar Kárason fyrir mörgum árum. Hann virðist hafa séð fram í tímann og átt við Þórðarson.... ber

2002-12-25T20:15:00.000Z

Jólin:

Gleðileg Jól og farsælt komandi ár, með þökk fyrir það liðna.

Hér kom jólakveðja handa þeim íggluðu lífverum sem lesa blogg mitt. Kveðja þessi kemur í stað jólakorts en röð stórkostlega ótrúlegra tilviljana kom í veg fyrir að ég gæti sent slíkan fögnuð út.

Jæja, nú er ég búinn að eyða 1 mínútu og 57, 58, 59, 2 mínútum af jólunum í þetta bull, það er 2 mínútum of mikið!

Farinn að sinna jólunum!

2:15, 16, 17.... NEI!!!

2002-12-19T11:06:00.000Z

3 og hálfur tími í svefn nægir vel ígulmenntuðum mönnum og því ég hér hressleikinn uppmálaður að yfirfara þær tæpu 7 síður sem ég ældli út úr mér frá klukkan 8:00-03:30 í gærkvöld/nótt. Söguritgerð mín er þar með allt að því orðin tilbúin og ég kominn í jólafrí, með öllu því sem starfinu fylgir...
Annars er allt að gerast, Örlygur hefur tekið trú og er með góða könnun á www.muninn.is , gaman að segja frá því.
Andri er með eitthvað attitude en bekkurinn tók fjörkipp í gær og fór út að borða á The Count, ótrúlegir hlutir að gerast hér.

Annars óska ég mönnum friðar og velsældar og bið menn í lengstu löð að halda friðinn og leggja rækt við sinn eigin Ígul.

Helgi Vilberg skráði okkur í Gettu Betur í gær, tímanlega strákurinn, traustsins verður.

2002-12-17T10:12:00.000Z

Verðlaunahafi skrifar:

Halldór heiti ég, hress strákur úr 3 G. Vildi bara láta alla vita að við urðum í 3.sæti í Bandýmóti skólans, fáum semsagt bronzverðlaun. Ætla að valhoppa heim úr skólanum á eftir og sitja spenntur við bréfalúguna, eigandi von á skínandi bronzpening á hverri stundu. Annars er fátt annað að frétta svosem, það á vízt eftir að skrá skólann í Gettu Betur, umsóknir þurfa að berast RÚV fyrir fimmtudaginn, það er vízt þriðjudagur í dag en andinn Helgi Vilberg gengur í málið á eftir og má því búast við skjótum árangri!

Annars bíð ég hér spenntur eftir tilboði frá sænska Allsvenskan bandýliðinu Djurgården, sá einn njósnara á þeirra vegum sitjandi ábúðafullan á svip upp í stúku í gær og ekki var laust við að ég sæi hann pára niður kauptilboð er ég kom stormliði okkar á bragðið með þrumuskoti í leiknum um 3. sætið.

Kveð þá, enda hef ég engan tíma í svona vitleysu þegar ég þarf að fara út að skokka og lyfta og svona eftir skóla til að heilla þá Djurgården menn...

2002-12-16T11:37:00.000Z

Evolution er ömurlegasta mynd sem ég hef séð á ævinni og allt sem Andri Már segir varðar mig ekkert um. Hann getur haldið vikufyrirlestur um fortíð nútíðar en það varðar mig samt sem áður ekkert um, maður sem heldur því fram að Evolution sé besta mynd sem Hollywood hefur ælt út úr sér er mjög líklega heimsins heimskasti nemandi. En engu að síður verður maður að brosa út að eyrum og fylgja straumnum, við eigum skemmtilegan sigur framundan á bandýmóti skólanns eftir stórbrotinn árangur síðasta mánudag, ekki er loku fyrir það skotið að við lumum á leynivopni, en það kemur á daginn...

: Horfið ekki á sjónvarp, spilið Bandý!

19.000 eintök seld af kökubók Jóa Fel, þrefalt húrra fyrir honum.

Gnótt gnægðarinnar.

2002-12-14T19:30:00.000Z

Fundur Ígulstara!

Í gærkveldi gerðust nokkrir ótrúlegir hlutir sem eiga sér enga hliðstæðu í sögunni. Eftirtaldir atburðir áttu sér stað:

1. 8 manns úr bekknum mínum mættu í bekkjarpartý á Ytri Vík, það segir manni að bekkurinn er á réttri leið því 7 mættu síðast! Auk þessara 8 mætti eitthvað svipað af misrugluðum jólasveinum en það er önnur saga.

2. Ég setti af stað rannsóknarleiðangur sem samanstóð af Golla, Johanni og Þorsteini, auk mín, og huggðumst við finna Ígulstör . Tókst það með afbrigðum vel, auk þess að finna eitt ígulstar sem ég seinna reykti við góðar undirtektir, tókst okkur að lenda í Heljarslóðarorustu við hóp útúrreyktra VMA-inga sem voru í næsta bústað. Ef ekki hefði verið fyrir ótrúlega samningahæfileika Ingólfs hefði ég líklega verið með kúlu á enni í dag, en allt kom fyrir ekki, enda beittum við tækninni: if you can´t beat them, join them!

3. Ég át pizzu með ólívum og pepperoni og fékk kaffibolla í ókunnugu húsi í Grundargerði. það er eiginlega ótrúlegasti punkturinn þar sem ég sá ekki betur en tvöfalt magn væri af ólívum.

Passið ykkur á ígulstörunum, þau leyna á sér...

2002-12-12T12:32:00.000Z

Nei, ég er ekki búinn að finna Ígulstörin, en það styttist í það...

Hins vegar datt mér í hug að birta hér áskorun til félaga míns og kumpána, Guðna Ágústssonar. Skv. mínum upplýsingum ku hæstvirtur Guðni lesa þennan spunavef dag hvern og helst oft á dag! Ákvað ég því að birt hér áskorun sem hljóðar svo:
"Vér, stuðningsmenn Malts á Íslandi, skorum hér með á hæstvirtan landbúnaðarráðherra og Maltvin, Guðna Ágústsson, að rita bókina: Saga Maltsins á Íslandi-Malt á æðstu stöðum."

Hefur það lengi oltið fyrir okkur að rita slíkt rit en teljum öngvan hæfari en hæstvirtan landbúnaðarráðherra.

Lifi byltingin! Lifi Maltið!

Hressir, bætir og kætir.

2002-12-12T09:51:00.000Z

Ígulstör.

Ígulstör eru hreint ótrúleg blóm sem vaxa m.a. við utanverðan Eyjafjörð (sbr. www.floraislands.is/blomaval.htm). Hyggst ég fara á stúfana ásamt rannsóknarráðuneyti mínu við Ytri-vík annað kveld og safna slíkum plöntum í vönd sem verður til sýnis hér í húsum skólanns.
Ég mun flytja æsifréttir af þessum fundi við fyrsta tækifæri innan skamms.

Vér Ígglumst

2002-12-11T08:44:00.000Z

Flestir hafa eflaust tekið hefur hreint ótrúlegum póstkassa sem gnæfir yfir aðra slíka á sviði kvosarinnar, hvítur er hann á lit með einföldum texta. Þykir þessi kassi einkar smekklegur og má lesa nýjan pistil Völu Matt um hann þar sem hún kvað hann vera: "alveg brillíant".
Hins vegar var tæplega 5 klukkutíma Gettu-Betur æfing í gær, alger geðveiki, enda mætti Andir Már til leiks vopnaður blaði og blýanti og tók viðtal sem hefur mjög líklega hljómað snargeðveikislega, engin ástæða til annars, við eurm það jú!

Jæja, Valdimar talar um Grím Thomsen, einhver helvítis Danasleikja sem var ekkert að fíla að vera Íslendingur, Stærðfræðipróf á eftir, gildir bara til upphækkunar, fer eflaust á kostum enda lærandi frá 14:45-15:30 með Andra Má inni á bókasafni í gær, ætti að skila sér í hækkun um 3 heila, annars verð ég fyrir vonbrigðum...

Jæja, þá er ég farinn.

Bless

2002-12-10T08:35:00.000Z

Johan Gunnlaugur Hannén Rolfsson er aumingi. Hann mætti ekki til leiks á bandýmótið í gær þrátt fyrir ítrekuð loforð og neyddust við Emmi, Gunni og Andri því til að spila alla þrjá leikina, samtals 15 mínútur! Hvað er það?? Við erum engir helvítis langhlauparar...
Allavega, þrátt fyrir fjarveru Johans töpuðum við ekki leik, misstum niður jafntefli gegn 4X á einhvern ótrúlegan hátt þegar fullkomlega löglegt mark var dæmt af okkur, ja, þettersvona.

Þetta þýðir víst að við erum komnir í 8 liða úrslit næsta mánudag, mætum þar 3T. Við verðum og hljótum að vinna þá, hálfkjánalegur bekkur eitthvað...

Jæja, Haddi sportisti kveður úr líffræði, skoðandi asnalega Gettu Betur lista (hressandi æfing á eftir) og lesandi frímannskar glósur.

Íggl, íggl

2002-12-09T09:06:00.000Z

Johan Rolfsson er einhver mesti stormcenter sem snert hefur bandíkylfu, ég fullyrði það hér með.
Við erum hér að sannfæra comrade Johan um að mæta í Bandýmótið á eftir, þar hyggst 3G halda áfram ótrúlegri sigurgöngu sinni í íþróttum innan veggja skólanns. Flestum er enn í fersku minni yfirgengilegur árangur bekkjarinns á blakmótinu sem vakti heimsathygli og fóru m.a. nokkrir liðsmenn í viðtal við færeyska dagblaðið Dimmaletningen. Þótti mönnum nóg um það og má því sjá menn spyrja sig um allan bæ hvað gerist eiginlega í dag þegar 3G mætir til leiks á Bandýmót skólanns.

Lifi byltinginn! 3G að eilífu!

AMEN

2002-12-05T11:07:00.000Z

Nýjasta skúbbið er ótrúlegt, það kollríður öllum skólanum þessa dagana að skólayfirvöld séu óánægð með hina nýju og Ígulhressandi síðu, Kvosin.tk. Er almennt talið að sú gagnrýni stafi ekki hvað síst af óánægju með þá hörðu og sanngjörnu gagnrýni sem þeir kvosarmenn hafa beint að vefmyndavél Tryggva. Þykir mér augljóst og vafalítið að vefmyndavél þessi vinsæla sé óðum að taka á sig mynd Stalíns, þ.e. gagnrýndu hana og þú ferð í Gúlagið! Því mega þeir kvosarmenn, sama hversu hressir þeir ku vera, mega búast við því að fá far með ágætum skólameistara vorum austur á Melrakkasléttu þar sem þeir geta dúsað, enda eiga þeir það svo sannarlega skilið.

VÉR SKULUM EIGI GAGNRÝNA, ÞETTA ER RÉTT ÞVÍ SKÓLAMEISTARI VOR SEGIR SVO.

Tjáningafrelsi?

Íugll dauðans.

Haddi B has spoken

2002-12-03T11:09:00.001Z

Ég virðist hafa misskilið þetta Blogg-system eitthvað... Fyrst taldi ég að ég ætti einvörðungu að rita hér ef ég hefði eitthvað að segja, og bloggaði því aðeins 1-2 í viku, enda segi ég ekki margt! En eftir að hafa lesið blogg reyndra bloggara á borð við El-Margeir og Finn Dellsén komst ég að því að maður á alltaf að blogga, ALLTAF, það skiptir engu máli hvort að þú hafir eitthvað að segja, þú átt bara að blogga.

Svo hérna kemur það þá.
Ég sit hér, enska á fóninum, klámfengin umræða um kaþólikka...
Gettur Betur æfing á eftir, hressandi.

Bless, bless.

Hress...

Óhress??

Enginn ígull í dag.

2002-12-03T11:09:00.000Z

2002-12-02T09:17:00.000Z

Ég er alltaf í líffræði.

Svo virðist vera, enda er ég í líffræði nú, nýstiginn uppúr hressandi flugi frá úthverfi Akureyrar, Reykjavík.

Annars var þetta með afbrigðum hressandi morgunn, ég mætti ígulsnemma til leiks á flugvöllinn, klukkan 07:05, teljandi mér trú um að flugið væri hálf átta.
Svo var reyndar ekki, en hvað er skemmtilegra en að sitja kátur á flugvelli árla dags? Dagurinn tók svo óvænta stefnu þegar Gústi Bragi, hress 14 ára gaur sem var með okkur Birni á Íslandsmótinu í skák (en það er nú önnur saga) mætti til leiks. Hann fór í verslun vallarinns og fékk sér samloku og malt.
Hrökk ég við þegar hann tillti sér hjá mér með Roastbeef samloku og 5,6 % jólamaltbjór!!!
Hann tautaði eitthvað um að hann hefði beðið um malt, tók tvo sopa og lýsti því svo yfir að hann væri vondur. Ég gat nú ekki látið góðan bjór fara til spillis svona á hressandi mánudagsmorgni og kláraði bjórinn, enda hér um gæðabjór að ræða, ég meina, hvað getur verið betra?

Malt + bjór = Ígulkolla.

Það er það.

2002-11-28T08:33:00.000Z

Góndaginn.

Þá er maður sestur í líffræðitíma árla morgunns, ekki bjóst maður nú við miklu af þessum tíma en annað kom í ljós. Skyndilega hóf Frímann hinn mikli upp raust sína og æpti yfir mannskapinn Ígglur!! Ígglur eru merkileg fyrirbæri, einhvurs lags ormar, ekki ólíkir ánamöðkum skilst mér.

Héðan í frá munu Ígglur vera friðaðar og þar með mun ég ekki drepa fleiri ánamaðka í framtíðinni, það gætu mögulega verið Ígglur!

Frábært.

Haddi B.

Ígglandi fjörugur í morgunsárið

P.S.

Rigning gerir ígglur graðar!

ber...

2002-11-27T10:05:00.000Z

Ja, ljótt er það.

Maður er ekki fyrr vaknaður á fallegum sólskinsdegi en maður upplifir margfalda niðurrökkun á bloggi sínu á hinum ýmsustu síðum alnetsins. Þykir mér þetta heldur lágt laggst af boðberum friðar og fögnuðar, þar á ég við Finn Dellsén.
Annars er þetta blogg Finns, sem ég las í fyrsta sinn í dag, að mörgu leyti nokkuð ígglað.
Hann talar þar um að vinsælasti bloggari landsins (Mjög líklega að eigin sögn enda maður með hættulega minnimáttarkennd og mjög lágt sjálfsálit) Stefán nokkur Pálsson komi í skólann á fimmtudaginn, ekkert nema gott um það að segja svosem.

En verra er þegar setning eins og: "Hamrarnir eru eitthvað að slappast" velta út úr fáfróðum munni hans.
Það ætti hann sem Hamar að vita að Hamrarnir munu aldrei slappast, þeir stjórna þessum skóla og þessu bæjarfélagi og ekkert er þeim óviðkomandi, nema er vera skildi B.K. kjúklingur en það er nú önnur saga. Mér er andskotans sama hversu margir mæta í Hrafnagil hverju sinni, það varðar mig ekkert um og Finnur Dellsén, ja.. hvað getur maður sagt, svo maður vitni nú í Fóstbræður:

Hann má ver´í andskota.

Haddi b has spoken

2002-11-19T09:04:00.000Z

Jæja, þá er best að skrifa eitthvað um þessa stórmerkilegu ferð til Katalóníu. Maður ferðaðist nokkur þúsund hressandi kílómetra til þess eins að tapa 2 skákum. Annars var svosem skákin ekki aðalatriðið. Maður byrjaði á því að komast að því að aldurstakmarkið inn á Casínó Spánar er 18 ár, svo maður ætlaði nú aldeilis að vera Grand á því og margfalda aðeins eyðsluféð sitt.Það getur nú ekki vera flókið. Hins vegar eru þessir menn eldri en tvævetur í bransanum og bjóða upp á ókeypis drykki, það er alls ekki óvitlaust hjá þeim enda orsakar það oftar en ekki það að maður ofmetur líkur sínar, telur t.d. yfir 90% líkur á því að rauð oddatala komi upp í rúllettunni eða eitthvað þvíumlíkt...
Þessi ágæta ferð mín endaði því með því að ég eyddi þar öllum gjaldeyri mínum og á leiðinni heim gat ég ekki einu sinni keypt mér nammi í fríhöfninni, heimur versnandi fer....
Það eina góða við þessa ferð var að ég gerðist djarfur í matarvali og pantaði mér rétti á borð við froskalappir og snigla!

Burt með ófétið!

2002-11-18T21:15:00.000Z

Það eru allir á móti mér!!! Þeir fjölmörgu vinir mínir sem ég hef kynnt þetta blogg fyrir, sem eru reyndar mjög margir því ég verð að viðurkenna það að ég er MJÖG VINMARGUR maður ef ég á að segja alveg eins og er, hafa góðfúslega tilkynnt mér að þetta er ekkert inn í dag, var það kannski fyrir svona ári. En maður má nú ekki gefast upp þó móti blási, heldur spýta í lófana og maka hrákanum yfir lyklaborðið!

Ígulhress, alltaf, ALLTAF!!

2002-11-18T13:21:00.000Z

Þetta er greinilega tízkan í dag, hér ku maður eiga að innsetja allt sem manni dettur í hug, og það mun ek gera. Hér sit ek í sögutíma með úrvalsfólk á borð við Stellu Gustavson Löve Artois og Johan Gunnlaug Rolfsson Hannén mér við hlið. Björn Vigfússon er að missa það með þessa söguferð, en það er líka um að gera...

Farinn í bili, ígulhress sem endranær